Nemendum GERT skólanna býðst heimsókn frá fulltrúum Team Spark þar sem þau segja frá þeim ævintýrum og áskorunum sem þau hafa upplifað með þátttöku sinni í Formula Student. Liðið kynnir sömuleiðis allar þær verkfræðinámsbrautir sem Háskóli Íslands hefur upp á að bjóða. Einnig býðst skólum að fara í heimsókn í vinnustofu Team Spark í Háskóla Íslands til að sjá TS17 (LAKA) bílinn frá síðasta starfsári og jafnvel eldri hannanir liðins.
Team Spark er lið Háskóla Íslands sem keppir á hinni alþjóðlegu kappaksturs- og hönnunarkeppni Formula Student sem haldin er árlega í allt að þremur heimsálfum. Hópurinn samanstendur af rúmlega 40 nemendum sem stunda nám við Verkfræði- og náttúruvísindasvið Háskóla Íslands.
Bókið kynningu frá Team Spark
Nánari upplýsingar hjá Kristjönu Björk Barðdal, markaðsfulltrúa Team Spark, S: 858-7862
Ítarlegri upplýsingar um Team spark er að finna hér á heimasíðu liðsins.
kristjana@teamspark.is
Nemendurnir koma úr ýmsum greinum svo sem vélaverkfræði, iðnaðarverkfræði, rafmagns- og tölvuverkfræði, verklegri eðlisfræði, hagnýtri stærðfræði og tölvunarfræði.
Rafknúni kappakstursbílinn sem liðið hannaði í fyrra heitir Laki. Í Formula Student er keppt í tveimur flokkum. Í flokki 1 eru lið dæmd út frá bæði hönnun einstökum hlutum bílsins sem og akstri hans á kappakstursbraut, en í flokki 2 kynna liðin hönnun og áætlanir sínar. Árið 2011 hófst þátttaka liðsins og síðan þá hefur orðið mikil bæting í hönnun og þróun bílsins, en liðið þarf að hanna og smíða nýjan bíl á hverju ári.